Վարդան Ղուկասյանն ու «միասնական շտաբը»

    • ՀԱԿՈԲ ԲԱԴԱԼՅԱՆ
    • Մեկնաբանություն - Չորեքշաբթի, 25 Հուլիսի 2012, 12:29

«Երբ ասում ենք, որ մենք դրական ենք գնահատում Բալասանյանի թեկնածությունը, բնականաբար, մենք կամ կառաջարկենք, կամ կպաշտպանենք Բալասանյանի թեկնածությունը: Խնդիրն այստեղ վերաբերում է նրան, թե ինչպիսի արձանագրումով ներկայանալ հանրությանը, որ ավելի օգտավետ լինի հենց Բալասանյանի համար», Ազատություն ռադիոկայանին ասել է ՀՀԿ փոխնախագահ, խմբակցության ղեկավար Գալուստ Սահակյանը:

Հանրապետական կուսակցության փոխնախագահի անկեղծությունը գնահատելի է: Իսկապես, ՀՀԿ-ի աջակցությունը մտածելու բան է, մարդուն չվնասելու համար: Եթե Հանրապետականը բացահայտ հայտարարի, որ աջակցում է Սամվել Բալասանյանին, ապա դա կարող է Բալասանյանին ընտրելու պատրաստ գյումրեցիներին հետ պահի այդ քայլից՝ ինչպես ընտրել մեկին, ում սատարում է ՀՀԿ-ն:

Այդ դեպքում, հարկ կլինի ընտրակաշառքով գնել այն ձայները, որ Բալասանյանը կարող էր ստանալ առանց ՀՀԿ-ի: Այսինքն, նրան Գյումրիի քաղաքապետ դարձնելու համար հարկ կլինի ավելի շատ փող ծախսել ընտրակաշառքի վրա, քանի որ այն մարդկանց, ովքեր պատրաստ էին առանց կաշառքի ընտրել Բալասանյանին, ՀՀԿ-ն իր սատարումով կարող է փաստորեն վանել նրանից: Բալասանյանն էլ կասի ՀՀԿ-ին՝ դե ոնց որ վանեցիք ձեր սատարումով, այդպես էլ տվեք այդ մասի ընտրակաշառքի փողը:

Հետեւաբար իրավացի է Գալուստ Սահակյանը, որ պետք է երկար խորհել Բալասանյանին սատարելու ձեւի մասին:

Բացի այդ, խորհելու այլ պատճառ էլ կա: Բանն այն է, որ մեկ էլ տեսար ՀՀԿ-ն իր սատարումով Բալասանյանից վանի ԲՀԿ-ին էլ, Կոնգրեսին էլ, Դաշնակցությանն էլ:

Սամվել Բալասանյանը ԲՀԿ-ական է, կուսակցությունը հայտարարել է նրան առաջադրելու որոշման մասին: Մեծ է հավանականությունը, որ Բալասանյանին նաեւ Հայ ազգային կոնգրեսը սատարի, նաեւ ՀՅԴ-ն, այսինքն Բարգավաճ Հայաստանի խորհրդարանական ընկերները: Երբ բացահայտ խառնվում է ՀՀԿ-ն, Բալասանյանը ինչ որ առումով դառնում է ակնհայտ իշխանական թեկնածու: Այդ դեպքում, նախ, Բարգավաճ Հայաստանում կարող են նրան կասկածել ՀՀԿ-ի հետ սեպարատ խաղի համար, այսինքն մտածել, որ Բալասանյանի թեկնածությունը ոչ միայն ՀՀԿ-ԲՀԿ պայմանավորվածության արդյունք է, այլ նաեւ Բալասանյան-ՀՀԿ առանձին գործարքի:

Այդ դեպքում չի բացառվում, որ ԲՀԿ-ն էլ որեւէ գործարքի գնա Վարդան Ղուկասյանի հետ, Բալասանյանին ու ՀՀԿ-ին դաս տալու համար:

Իսկ դրան էլ կարող են միանալ Կոնգրեսն ու ՀՅԴ-ն: Օրինակ, Կոնգրեսը կարող է ասել, որ Վարդան Ղուկասյանը Սերժ Սարգսյանի PR-ի զոհն է, իսկ ով Սերժ Սարգսյանի զոհն է՝ ինքնաբերաբար դառնում է Կոնգրեսի դաշնակիցը, քանի որ Կոնգրեսն արդեն մի քանի ամիս է քաղաքականությամբ է զբաղվում հենց այդ տրամաբանությամբ:

Թեեւ, ով գիտե, գուցե ՀՀԿ-ին հենց այդ էլ պետք է, որ ԲՀԿ-ն, ՀՅԴ-ն ու Կոնգրեսը Վարդան Ղուկասյանի կողքին կանգնեն՝ բացահայտ, կամ «տակից», թեկուզ եթե դրա համար ՀՀԿ-ն ստիպված կլինի ընտրակաշառքի փողն ավելացնել: Ի վերջո, ՀՀԿ-ում ինչն է շատ՝ փողը, իսկ քիչ է կամ գրեթե ընդհանրապես բացակայում է լեգիտիմությունը: Իսկ երբ ԲՀԿ-ն, ՀՅԴ-ն ու Կոնգրեսը ինչ որ կերպ կանգնում են Ղուկասյանի «կողքին», ընդ որում թեկուզ ոչ ֆիզիկապես, այլ քաղաքական տրամաբանության առումով, դա ՀՀԿ լեգիտիմությունը բարձրացնում է առնվազն այդ եռյակի լեգիտիմության մակարդակի, եթե ոչ ավելի:

Մեկնաբանություն

  1. Հեղափոխություն Հայաստանի ընդերքում
    ԱՄՆ մասնագետները Հայաստանում ուսումնասիրել են շերտաքարային գազի պաշարները, որի արդյունքի մասին զեկույցը կներկայացվի հանրությանը:
    19:43 22/05/2013
  2. Ինտելեկտն ու գիտելիքը «խոզերի» բուֆեր դարձնելու գինը
    Իշխանությունն այսօր հենվել է երկու հիմնական բուֆերի վրա՝ ինտելեկտուալ բուֆեր եւ այլընտրանքային բուֆեր՝ ի դեմս ԲՀԿ-ի:
    17:22 22/05/2013
  3. Գագիկ Խաչատրյանը հավատո՞ւմ է Աստծուն
    Մատթեոսը հավատաց Աստծուն:
    14:57 22/05/2013
  4. Այլընտրանքային էներգետիկայի շարիկները
    Հայաստանում ԱՄՆ դեսպանատունը կազմակերպել է էներգետիկ ոլորտի հեռանկարներին վերաբերող քննարկում, որին մասնակցել են նաեւ Հայաստանի իշխանության ներկայացուցիչները:
    13:03 22/05/2013
  5. Գեներալների հայելին
    Բանակում տեղի ունեցած յուրաքանչյուր ողբերգության կամ դրանից բխող հանրային աղմուկի առիթով առաջ է գալիս այն տեսակետը, թե բանակը հասարակության հայելին է
    10:05 22/05/2013
  6. Գողացված բյուջեն ու հանգանակությունը
    Հովիկ Աբրահամյանը որոշել է իր մեկ ամսվա աշխատավարձը փոխանցել Արմավիրի մարզի կարկուտից տուժած գյուղացիներին:
    19:25 21/05/2013
  7. Կառավարությունը մայիսի 23-ին պետք չի լինի
    Հողն ու ցանքսերը գյուղացիների մասնավոր սեփականությունն են, եւ նրանք չպետք է հույս դնեն կառավարության վրա:
    16:34 21/05/2013
  8. Ծանր ճգնաժամն իշխանության ներսում
    Սեւան-Երեւան մայրուղու վրա մայիսի 18-ին տեղի ունեցած իրադարձությունները շարունակում են թեժ մնալ հանրային քննարկումներում:
    16:09 21/05/2013
  9. Սովորական կողոպուտի վկաները
    Հայաստանում օրենք չկա գերշահույթի եւ մարժայի սահմանափակման մասին: Դրա պատճառով, ոչ թե արդյունաբերությունն է զարգանում, այլ ներմուծումը:
    14:37 21/05/2013
  10. «Մտքի հեղափոխությունն» ու բնազդի ապստամբությունը
    Վարչապետն իրավացի է՝ ՀՀԿ-ի անկումը լինելու է բոլորի անկումը: Ինչն է խնդիրը:
    11:49 21/05/2013

Ամենաընթերցվածը