Փորձագետները 5-րդ անգամ անընդմեջ Ֆրանսիան ճանաչել են ապրելու համար ամենալավ երկիրն աշխարհում: Այդ մասին հաղորդում է Իտար-Տասը: Կյանքի որակի ամենամյա ինդեքսի հրապարակում իրականացնող International Living ամսագրի ուսումնասիրության համաձայն, Ֆրանսիան այլ պետությունների գերազանցել է այնպիսի գործոնների համախառն դիտարկմամբ, ինչպիսին ապրանքների ու ծառայությունների գինը, բնապահպանությունը, անվտանգությունը, զվարճանքները: Առաջատար հնգյակում տեղ են զբաղեցրել նաեւ Ավստրալիան, Շվեյցարիան, Գերմանիան եւ Նոր Զելանդիան: Միացյալ Նահանգները, տնտեսական ճգնաժամի հետեւանքով, 3-րդ տեղից իջել է 7-րդ հորիզոնական, իսկ Մեծ Բրիտանիան զբաղեցրել է 25-րդ տեղը:

11:40:58 - 08/01/2010
Ուղարկել էլ.փոստով	Տպագրելու տարբերակը