ՀՅԴ ներկայացուցիչ Արծվիկ Մինասյանի կարծիքով, Հայ ազգային կոնգրեսը ընդդիմություն չէ: Բանն այն է, որ Մինասյանը սահմանել է ընդդիմություն հասկացության իր բանաձեւը: Ըստ այդմ, նա, հղում անելով նաեւ քաղաքագիտությանը, ասում է, որ ընդդիմություն է այն քաղաքական ուժը, որը հայտնվել է խորհրդարանում, բայց չունի իշխանության մաս: “Ընդդիմություն է նա, ով ունի խորհրդարանում համապատասխան պատգամավորական տեղեր, բայց համաձայն չէ կառավարության վարվող համապատասխան քաղաքականության հետ, եւ ներկայացված չէ այդ կառավարությունում ու հայտարարել է, որ ինքը դեմ է այդ կառավարությունում վարվող քաղաքականությանը: Եվ հետեւաբար ես կօգտագործեմ հետայսու արտախորհրդարանական ուժերին, ովքեր չեն կիսում կառավարության տեսակետը, ընդդիմախոսներ”, ասում է Արծվիկ Մինասյանը, նշելով, թե նկատի ունի նաեւ Հայ ազգային կոնգրեսին:

13:32:04 - 08/02/2010
Ուղարկել էլ.փոստով	Տպագրելու տարբերակը