Հունվարի 9-ին, ժամը 13-ին Մուսա Լեռ հյուրանոցային համալիրում (Դավիթ Բեկի 1/5) տեղի կունենա Սոցիալ-Դեմոկրատ Հնչակյան կուսակցության 7-րդ  հերթական համագումարը:
 
Այս կապակցությամբ ՍԴՀԿ մամուլի դիվանի տարածած հայտարարության մեջ ասվում է. 'Ի սկզբանե համագումարը նախատեսված էր անցկացնել Երևան քաղաքի հյուրանոցային համալիրներից  մեկում: Այդ նպատակով  դիմում էր  ներկայացվել մի շարք հյուրանցների (Կոնգրես Հյուրանոց, Անի Պլազա, Երևան հյուրանոց և այլն) և բոլորից մերժում է ստացվել:
 
Կուսակցությունը նաև դիմել է ՀՀ Կառավարություն ` Կառավարության Նիստերի դահլիճը վարձակալելու նպատակով, սակայն մինչ օրս որևէ պատասխան չի ստացել':
 
Նշենք, որ սա Լյուդմիլա Սարգսյանի կողմնակիցների համագումարն է: ՍԴՀԿ մյուս թեւն անմիջապես տարածել է հայտարարություն, որում ասվում է.
 
'Սոցիալ Դեմոկրատ Հնչակյան Կուսակցությունը հայտարարում է, որ ՍԴՀԿ արտահերթ 7-րդ համագումարն  արդեն իսկ  կայացել է դեկտեմբերի 16-ին`  ՍԴՀԿ գործող  մասնաճյուղերի և 6-րդ Համագումարում ընտրված Կենտրոնական Վարչության անդամների բացարձակ մեծամասնության պահանջով:  Ինչ վերաբերում է հունվարի 9-ին նախատեսված  վտարվածների ռեստորանային հավաքին, ապա ՍԴՀԿ-ն որևէ կապ չունի այդ միջոցառման հետ և հայտարարում է այն հակականոնագրական և հակաօրինական: Հնչակյան կուսակցությունը նաև հայտարարում է, որ սկսվել է դատական գործընթաց, որի նպատակն է  օրինական կերպով   վերականգնել  Կուսակցության իրավունքները ՍԴՀԿ կնիքի և փաստաթղթեր վրա':

10:35:26 - 08/01/2010
Ուղարկել էլ.փոստով	Տպագրելու տարբերակը